SUN焦點：32.8℃社區會堂無冷氣 民政署靠害街坊

「我每個星期都嚟呢個社區會堂跳舞，自從上年話畀人偷咗電纜後，就一直冇整過，之前有人差啲中暑！」李小姐表示，於夏天，在沒有冷氣的社區會堂做運動，令他們大為辛苦。

星期六會堂的禮堂每天最多可有七個團體訂場，記者視察當日，約四十人正在載歌載舞，但禮堂只有四把風扇，不到十五分鐘，租用者汗流浹背，不斷撥扇及手持電風扇降溫，部分人更跑出有冷氣的大堂乘涼，每星期都使用禮堂跳舞的霍小姐嘆：「風扇點都唔夠以前嘅冷氣大，導師仲專登揀冇咁大動作嘅舞蹈嚟教。」

記者用溫度計量度室內及室外溫度，發現禮堂最高達攝氏三十二點八度，遠高於有空調的會議室近攝氏八度。「我成日都接獲投訴，問我有冇冷氣，話如果冇就要取消訂場，當正我係發洩對象，政府拖咁耐都唔整，我都話唔到事！」有職員透露，每個月都有五至六個團體因為冷氣未修好，索性退場。

可引致痙攣昏迷

曾經在沒有冷氣的禮堂舉辦親子運動會的基督教樂道幼稚園，逾一百名家長及學生在四月「焗桑拿」，校長王麗文表示，「會堂職員冇通知我哋冇冷氣，直至早一日去睇場地設備，先見到有通告話冇冷氣，但時間緊迫，所以如期舉行。當時未係好熱，但開晒風扇都有家長頂唔順出大堂乘涼。」王希望署方改善禮堂的設備，包括冷氣、掛橫額等。「喺接近攝氏三十三度的溫度做運動，如打乒乓球、跳舞，絕對會增加中暑機會。」香港急症中心醫務總監司徒敬豪醫生指出，熱衰竭的徵狀包括頭暈、頭痛、惡心、氣促及神志不清，當體溫上升至攝氏四十一度時，患者更會出現痙攣及昏迷，即中暑，便應立即停止，並盡快求診。

本報跟進即補鑊

西貢區議員陳繼偉狠批民政事務總署靠害租場人士，「冷氣壞咗超過半年，到依家都未維修好。萬一居民因此中暑，當局係咪負全責？」

民政事務總署雖在上月十一日於會堂張貼通告，指禮堂冷氣會進行緊急維修，惟踏入本月竟仍未修好。署方接獲本報查詢後，才急忙「補鑊」維修。發言人承認健彩社區會堂設置於冷氣機房內的電纜自去年年底被偷，導致會堂冷氣供應受影響逾半年。署方表示指原計劃上月底完成，但因連場暴雨，所以會延至本月才完成修理。