內地進入智能手機大混戰嘅時代，本月多個智能手機生產商持續有新機出籠，除了大鬥功能外，鬥平始終係主旋律，奇虎360併購酷派（02369）嘅大神手機，合資公司奇酷科技日前剛推出大神兩款新款手機，以399元和499元（人民幣．下同）嘅價錢震撼市場，老闆周鴻禕話：「我不後悔降到399，如果後悔，就是沒有把價格做到360。」原來佢想玩噱頭，以震撼價配襯公司品牌。

近期上市嘅新產品，唔少都被視為係要針對小米嘅機種，以低價爭市場。依家又有新機降價，智能手機減價戰已經去到白熱化，新手機售價唔使999，連899都唔使，唔通真係沒有最低，只有更低？

第一手消息請下載on.cc東網iPhone/iPad/Android/Windows Phone Apps