城中鏡：港設旗袍會 晒冷創紀錄
好多傳統喺歲月中湮滅，但女士嘅旗袍卻愈來愈多捧場客。內地年前成立咗中國旗袍會，短短一年間全球有逾一百萬會員，近四百二十個分會，早前仲設立咗中國旗袍會香港總會，大日子都有大事件，就喺呢一日，眾多姊姊妹妹齊穿上旗袍，打破咗穿旗袍行走人數最多嘅世界健力士紀錄。
香港總會成立當日，眾女齊穿旗袍打破咗世界紀綠。
講起呢個旗袍會，香港總會分別由胡凡同李秀蘭出任會長同副會長，電台節目主持人查小欣就係榮譽會長，佢哋每次活動同開會，出席者都要着旗袍，查小欣話，旗袍可以講係女性嘅象徵同對傳統嘅傳承，而佢對旗袍嘅感情，就要追溯到結婚時咁話。
