醫學會會長史泰祖醫生,悉心栽培患有唐氏綜合症嘅女兒史雋丹,囡囡已自食其力,月前加入東華三院位於金鐘添馬公園嘅社企iBakery餐廳任職侍應,由低做起。丹丹形容返工令佢好享受,渴望每天都是上班日,唔恨放假喎。

史雋丹(右)與同事阿威(左)及愛烘焙生產及培訓中心業務經理施珮雯落力推介產品。

四月中開始返工嘅丹丹,依家負責傳菜、收拾碗碟,每天忙不停。佢笑言自己係新丁,有時要幫手洗廁所,未有因為名人子女身份而獲特權。丹丹話,佢享受招待客人:「我知道返工要勤力、加油、努力。」工作令丹丹好有滿足感,佢計劃將每月萬元收入,請朋友同家人食飯,但笑言暫時未有能力畀家用。

第一手消息請下載on.cc東網iPhone/iPad/Android/Windows Phone Apps