一七年特首普選方案由諮詢到推銷，搞咗近兩年，但獲立法會三分之二通過嘅機會仍被看淡，政制及內地事務局局長譚志源日前講到政改時都意興闌珊，話明做完今次政改後，佢以後都唔想再玩呢瓣嘞，心淡定心累﹖佢話即使下屆政府仲留任，都唔想做政制囉。咁早講定金盆洗手計劃，譚志源都可算醒目，早為以後條官路設限，費事第日再執個吃力唔討好嘅位。
