貪湯和民航處處長文文喺街上相遇，貪湯上前擁抱佢，仲攬到唔肯放手，文文一手推開，問貪湯想點，大家一齊睇吓發生乜事。

貪湯：好兄弟，好兄弟，咁都畀我見到你。

文文：啋，邊個係你兄弟？你兄弟唔係貪曾咩？

貪湯：唔係，今日開始，你係我兄弟喇。

文文：傻的嗎？你做埋咁多衰嘢，仲搞到廉潔指數下跌，邊個想同你friend？

貪湯：就係你同我差唔多，我先當你係阿哥。

文文：咩話？你咪亂噏！

貪湯：新空管系統嚴重延誤同甩漏，帳委會「強烈譴責」你疏忽職守，但我上次只不過係畀人鬧「譴責」，我哋齊齊畀人話，唔認你做兄弟都唔得啦！

文文：咁都得？

第一手消息請下載on.cc東網iPhone/iPad/Android/Windows Phone Apps