雙非家長與本土派罵戰
【本報訊】本土派團體與部分雙非家長昨開展「隔空罵戰」！十多名本土派團體成員昨早趁小一統一派位放榜，前往跨境學童專用校網派位中心香海正覺蓮社佛教正慧小學門外踩場，高舉「蝗童返大陸」橫額及高叫口號。有雙非學童家長則理直氣壯反駁，「我哋搶咗佢乜嘢﹖唔係我哋班大陸人嚟，你哋啲香港學校有人讀咩?」
張太
香港本土力量聯同熱血公民十多名成員，昨早約八時半抵達正慧小學門外踩場，九時半起多次「嗌咪」抗議雙非掠奪港童學位，令港人子女無法原區就學。期間一名男途人與本土派隔着馬路展開罵戰達數分鐘，一度需要警員介入調停。
警方亦派出逾百名警員在場戒備，在校門的一邊築起鐵馬設指定示威區，同時開放校門另一邊後門讓索取結果的家長步出派位中心，成功將示威者及雙非家長分隔，部分雙非家長對於有人在場抗議全不知情。警方又一度築成人牆，禁止傳媒步近派位中心出口。
雙非學童家長張太直言女兒雖獲派首志願，但學校位處於打鼓嶺太遠，令她不太滿意。對於有本土派抗議雙非「蝗蟲」來港搶學位，張太即反駁：「無話可講，成日話我哋搶咗佢哋嘢，我哋搶咗佢乜嘢﹖試諗吓，唔係我哋班大陸人嚟，你哋啲香港學校有人讀咩﹖大家互惠互利……小朋友（第日）納稅，福利邊個享﹖」她又指，不清楚有人到場示威，「無諗到咁多無聊人無嘢做。」
搞到我哋似乞兒咁
另一雙非家長黃先生的兒子亦獲派首志願上水區學校，對於有本土派抗議，黃生反指「如果深圳有香港嘅自由，相信深圳對香港人嘅抗議都唔會少，例如中港跨境貨車製造嘈音……其實雙方應互相尊重。」他又指若其子日後希望回內地發展，他亦贊成，「寧願畀罰款（超生罰款），都要有自尊，唔好搞到我哋似乞食咁。」
