筲箕灣：消防栓甩晒色 造成混亂
「見到啲消防栓一係鮮紅色，一係就黃色，點解唯獨係呢個顏色咁淡，係咪風吹雨打太耐搞到甩晒色？」張小姐早前沿愛秩序灣道前往港鐵筲箕灣站出口時，發現有消防栓呈淡紅色，擔心或影響消防員區分，「用顏色去分類一目了然，依家咁樣就好混亂，都唔知佢代表啲咩。」
涉事消防栓因翻新工程已塗上淡紅色底漆，工程完成後會塗回紅色。
水務署發言人表示，接獲轉介後已派員視察，證實涉事消防栓因進行定期翻新工程而塗上淡紅色底漆，並非褪色所致，有關工程現已告完成，並重新塗上紅色面漆。發言人補充，消防栓可分為淡水及海水供水，淡水消防栓為紅色，海水為黃色，正進行安裝工程則為銀色，倘暫停使用，會在出水口的封蓋塗上藍色以資識別。
