灣仔:貨車違泊阻巴士上落客
「呢頭有好多老人家喺馬路推車過嚟賣紙皮,佢哋本身手腳慢,推車嗰陣又冇咁高警覺性,啲車又揸得快,已經見過幾次差啲出事!」灣仔居民葉小姐指出,軒尼詩道近軒尼詩道官立小學巴士站不時有貨車違例停泊,並回收廢紙,「成日都頂到架巴士埋唔到站,搞到要喺路中心落客,令到後邊塞晒車。」
軒尼詩道常有貨車在馬路違例停泊經營回收生意,乘客被迫在馬路中心落車。
警方發言人證實,今年至今共接獲三十八宗相關投訴,期間共向違例車輛發出八十九張定額罰款告票。發言人強調,當局一直關注區內交通違例事項,將按實際情況執法,以保持道路安全及交通暢順。
葉小姐認為罰則過輕所致,要求當局着手研究,以免問題蔓延,「一般車主就話畀人抄就肉痛,但係佢呢啲做生意搵錢,可能已經預咗人抄,即係已經冇晒阻嚇力。」
熱線3600 9988
電郵 socserv@on.cc
傳真3600 9900
WhatsApp/SMS 6500 6500
來函請寄:香港大埔工業邨大昌街23號東方報業中心東方報業集團投訴組收
個人資料絕對保密
匿名投訴恕不處理
逢星期一至五見刊