「鯊魚女」Abbie陳細潔尋日出席保良局流動中醫診所命名典禮，佢透露對中醫頗有研究：「我讀過中醫，因為公司之前有請中醫師教員工，有關面診、脷診方面好皮毛嘅嘢，我之後再買相關嘅書深入研究。」Abbie認為小毛病如感冒，中醫嘅效果好啲，佢坦言：「其實中西合璧就最好，當然最好係未有毛病之前就食健康食品保健，咁就中西醫都唔使睇。」

陳細潔

提到新沙士喺南韓爆發，Abbie笑稱有同事啱啱喺南韓旅遊返港，畀其他同事戲言要隔離，但佢就唔太擔心：「其實又唔係去新沙士源頭嘅地方，香港每日有好多人由南韓返港，而且當地暫時只有十幾宗，所以唔太擔心。」

第一手消息請下載on.cc東網iPhone/iPad/Android/Windows Phone Apps