政壇：曾憲梓轟泛民拖冧普選
久未露面嘅前全國人大常委曾憲梓，尋日罕有地現身一項文化活動，大家自然追問佢老人家點睇今次政改之爭。現年八十一歲、經歷過數次大病、近年要坐輪椅出入嘅佢，強調今年已經係香港回歸第十八年，「五十年」不變承諾已經過咗接近一半，但泛民仲唔好自為之，珍惜呢次普選機會，剝奪全港五百萬選民一人一票選特首嘅權利，普選目標就「唔知拖到幾時」先可以實現，香港人一定會清楚記住。
曾憲梓尋日現身一項文化活動，批評泛民將普選「唔知拖到幾時」。
曾憲梓又用手勢嚟形容中央同泛民嘅關係，指中央係「高層」，泛民只係「低層」，根本冇資格同中央談判，中央肯派員到深圳同泛民議員會面，已經顯示出誠意，泛民唔好以為自己好大，可以想點就點。
