邱德根怕過年落雨無生意
【本報訊】已故荔園老闆邱德根生前予人不苟言笑的嚴肅形象，原來他最怕是過年落雨。其孻子邱達根揭開謎底，指過年是荔園生意最旺的時間，如遇上落雨必會令生意額大減，其父親亦會變得脾氣暴躁，又笑指今年荔園在雨季復辦，生意難免受天氣影響，會盡量控制「不要發脾氣」。
昔日的荔園小碰車令港人回味。（荔園提供圖片）
邱達根（右）九六年在美國大學畢業，父親邱德根特意趕來恭賀。
被問及邱德根是否一位嚴厲的父親，邱達根則不認同，原因是他與父親年齡相差五十載，故他懂事時父親早已「收火」，晚年更是一位慈祥的老人家。不過，他指幾位兄長則較為「不幸」，父親當時相對年輕，且兼顧的業務又多，難免容易有情緒。但他亦記得父親有發脾氣的時候，例如過年期間落雨，父親便會變得脾氣暴躁，因過年是荔園生意最旺的時間，可能佔全年收入約一成。
對於外界指邱德根「孤寒」，邱達根絕不認同，表示父親只是「我行我素」，原因是父親出身清貧，慣於節儉生活，「佢喺公司係咁，喺屋企又係咁，佢唔介意人哋話佢，只係做番自己」，又指當時八十年代香港經濟起飛，大部分人有錢後都變成「土豪」，突然出現了一位食飯會「打包」的富商，難免會招人口舌，「換着依家就會讚佢環保啦！」
