政壇：方文雄嘆拉布拖冧香港
蘇港青年交流促進會日前舉行就職禮，會長係前立法會議員何承天兒子何宇磯，宇磯嘅媽媽係江蘇人，計落宇磯算係半個江蘇同鄉。不過，到場打氣嘅就得佢爸爸。促進會嘅主席係國際青年商會香港總會前會長關俊華（Johnny），Johnny透露，今年七月中將安排三十五位大學生到南京同江蘇企業做暑期工，當中包括金融同文化機構，聽落係大開眼界嘅好機會。
兒子何宇磯（左）就任蘇港青年交流促進會會長，爸爸何承天拍住打氣。
方文雄（左）與專業及資深行政人員協會創會會長容永祺都係大忙人，當晚難得輕鬆碰杯。
出席就職禮嘅協成行董事總經理方文雄就話，關注香港競爭力正在下跌，佢慨嘆立法會部分政客成日「拉布」，令大型基建項目一拖再拖，但建築成本不斷上漲，損失隨時數以十億元計，呼籲政客以大局為重，盡快將死結解開。
