過熟爆果肉顧客唔願買

本港水果批發業界對有人使用不明液體及藥膏催熟榴槤，大感震驚，因榴槤運輸過程中容易過熟，太熟會影響售價，甚至報銷，因此由原產地出口的榴槤必須尚未成熟，而榴槤一般毋須添加化學品催熟，只需放置於適當溫度，數日後即可熟透。

工人在榴槤蒂上塗上藥膏，加快催熟榴槤。（互聯網圖片）

硬物拍果皮聲沉宜進食

九龍果菜同業商會副理事長張志祥指出，榴槤熟透後，外殼會自行爆開，露出果肉，香氣四溢，但因爆裂會引致衞生問題，顧客都不願購買，因此抵港榴槤必須是未成熟。張解釋：「如果運輸過程溫度控制得唔好，整批榴槤太熟，就唔要得，好似有啲品種嘅榴槤好容易熟透，熟咗就賣唔到好價錢。」

張指，因夏天天氣炎熱，只需將榴槤放置室溫數日，榴槤會自然成熟。至於如何分辨榴槤是生是熟，「食前用硬物拍打榴槤果皮，如果聲音係清脆，即係仲未熟透，如果聲音係低沉，即係熟咗，可以打開嚟食」。