有市民匿喺垃圾站旁，行為古怪，食環署署長群群經過見到，上前問吓有咩幫到手，點知搞出「大頭佛」，仲畀人鬧，大家一齊睇吓。

群群：你鬼鬼祟祟喺度搞乜？

市民：口殊……垃圾站有蛇呀！

群群：吓，邊度？我call人嚟捉。

市民：嗰度呀，你見唔見到？

群群：冇喎、冇喎，垃圾就大把，你係咪眼花睇錯呀？

市民：咩呀，啲清潔工呀，一個玩手機、一個飲酒、仲有遲到，仲唔係一條條大懶「蛇」喺度蛇王？

群群：……咁又真係唔啱嘅。

市民：你身為署長，仲唔做嘢？上前話佢哋啦！

群群：……不過我今日放假，公事唔關我事，遲啲再算啦！

市民：@#^&*@@!!%^&*#

第一手消息請下載on.cc東網iPhone/iPad/Android/Windows Phone Apps