筲箕灣：車房擺斜台霸行人路
「依家好多舖頭都鍾意喺條街度起個地台，貪可以多啲地方做生意，點知呢度啲車房見到又有樣學樣，擺個斜台出去方便啲車駛出駛入。」筲箕灣居民陳先生指，愛民街有車房在行人道放置斜台，懷疑霸佔官地，「收舖都照放喺度，條街雖然係闊，但唔係你鍾意點擺就點擺。」
愛民街有車房在行人路上擺放斜台，經轉介後地政總署已作出口頭警告。
地政總署發言人證實，接獲轉介後已隨即派員實地視察，發現涉事店舖門前的行人路上有可移動金屬斜台在未經准許下擺放，已即時發出口頭警告，飭令佔用人停止佔用未批租土地，而其後涉事斜台已被移走。陳先生直指商戶僭建地台以擴大經營範圍的做法在區內相當普遍，認為長遠應改善現有機制，改變部門各自為政作風，「地政未必有咁多人巡街，咁咪可能警察或者食環巡邏時見到都講一聲，唔好永遠都係自己做自己嘢。」
