協成行董事總經理方文雄（David）嘅細仔啱啱大學畢業，早前David仲專程飛去美國加州參加畢業禮。方家二公子完成商科學位，打算搞IT創業，不過David就斬釘截鐵話，唔會畀錢阿仔創業喎！

方文雄拒絕科水畀細仔創業。

David話畀筆錢兒子搞生意係好簡單嘅事，但佢擔心兒子慣咗伸手拎錢，將來一有風浪嚟到，就唔識得自力更生。佢唔想寵壞囝囝，所以狠下心腸叫佢靠自己賺錢創業。

David又以身作則話，當年爸爸方潤華對佢教導相當嚴厲，佢大學畢業後喺美國一家地產公子打工十年，才返港打理家族生意。即使返公司工作亦無特權。有次佢放大假到新加坡旅行，未出新加坡機場就收到爸爸電話急召佢回港，因為香港股市大跌，佢惟有即搭夜機返港，好彩港股好快就回穩！

第一手消息請下載on.cc東網iPhone/iPad/Android/Windows Phone Apps