父親節將至，孝順女又出動喇，買禮物、食飯慶祝自然唔少得。黃芷晴同姜麗文被視為星二代，皆因二人不約而同接咗父輩嘅演藝棒，黃芷晴被問到有冇請教爸爸黃日華點做戲時，佢話：「以前有，依家冇，佢拍正義戲多啲。」父親節就到，佢透露，爹哋早前已經問佢記唔記得二十一號係咩日子，會否買咩禮物畀佢？黃芷晴話：「我梗係記得，佢話要鎖匙扣，我話唔使等父親節都得。」

兩名星二代黃芷晴（右）及姜麗文都話會同爹哋慶祝父親節。

姜麗文都話佢會向父親秦沛請教做戲嘅技巧，甚至一齊睇劇本，「佢有叫我唔好眨太多眼。」問到父親節如何慶祝？她表示父兼母職：「平時都成日慶祝，每年同佢慶祝三次生日，平時母親節都同Daddy 慶祝，會同哥哥整DIY禮物畀佢，我有車過孖煙囱畀佢，佢話好靚唔捨得着。」

第一手消息請下載on.cc東網iPhone/iPad/Android/Windows Phone Apps