每逢近選舉，政圈嘅蛇齋餅糉現象又會出現，近日民建聯成員兼北區區議員劉國勳太太呂迪明被發現喺葵青區梨木樹嘅屋邨，大派某品牌嘅淨白補水納米防曬乳液，仲喺包裝盒貼上佢嘜頭嘅貼紙，莫非為咗氹女選民開心，蛇齋餅糉也升呢？呂迪明回應話，早前朋友畀咗幾箱乳液，佢見區內清潔女工日曬雨淋好辛苦，所以先派畀佢哋以表關心喎！

防曬乳液包裝上貼有呂迪明嘅貼紙，惹來質疑。

陳琬琛

呂迪明曾經喺二○一一年區議會選舉出選梨木樹區，挑戰現任荃灣區議員陳琬琛失敗，依家動作咁積極，唔通係想捲土重來，再向陳琬琛挑機？呂迪明就話冇諗過呢啲嘢，話一切隨緣。我哋問過嗰間護膚品公司，證實早前確曾送出一大批非賣品畀社區團體，所以輾轉落到呂迪明手中都唔出奇。

第一手消息請下載on.cc東網iPhone/iPad/Android/Windows Phone Apps