前特首貪曾在任時緩建公屋，致今時今日公屋輪候冊大排長龍，運房局局長炳炳仲要日日捱鬧，炳炳呢日見到貪曾，點會唔嬲？

曾蔭權

炳炳︰你呢個累到基層上唔到樓嘅罪魁禍首！

貪曾︰唏，上唔到樓咪買樓囉。

炳炳︰咁咪即係何不食肉糜？

貪曾︰儲首期其實唔難，去少次日本、睇少場戲，每月儲三千咪得囉！無人教你咩？

（有市民經過噗嗤一笑。）

市民︰你兩個嘈咩？睇戲都唔使錢嘅。

貪曾︰唔使錢？

市民︰無論喺舊時定依家，你班所謂嘅官實事做唔到，日日就演「大龍鳳」，市民實睇到喇！

第一手消息請下載on.cc東網iPhone/iPad/Android/Windows Phone Apps