元朗：讓車處違泊 無公德阻出入
讓車處變違泊樂園，令單線雙程路車輛進出皆受阻！位於元朗八鄉南慶東路屬單線雙程路段，每隔數十米便設有讓車處予對頭車通過。不過，居於附近的村民陳先生則不滿有車主罔顧交通安全，在讓車處違泊車輛，每當有車輛出入或相遇即造成阻塞，「啲人真係好無公德心，讓車處畀佢哋泊到好似停車場咁，有啲仲泊喺排洪渠嘅出入口，連渠務署啲車都入唔到！」陳曾就違泊問題多次向警方投訴，惟情況一直沒有改善。
多部車輛在南慶東路讓車處違泊，被指造成交通阻塞。（讀者提供）
警方發言人承認，八鄉分區於過去一年共接獲十三宗相關投訴，並在該路段向違例車輛發出五十一張定額罰款告票。「一年先五十一張告票，差啲先一個禮拜一張啦，仲平過租停車場，唔怪得違泊情況冇改善！」陳先生要求警方加強執法，打擊區內違泊問題。
