城中鏡：英總領事頻會泛民議員

喺佔領行動開始，外國勢力就明目張膽干預本地政制發展，好似英美政府都分別對香港政改爭議表達關注。尋日有報道話，英國駐港總領事吳若蘭早幾日約咗六個泛民立法會議員食飯，順便了解佢哋對政改嘅立場。獲邀嘅公文袋議員湯家驊承認，喺政改方案臨近表決之際，吳若蘭對泛民議員會唔會轉軚支持好關注，約見嘅次數亦比以往頻密，但對於午餐會講啲乜嘢內容，佢就話唔講喎。