城中鏡：台南美食引老饕「掃街」

近年多咗港人赴台南等地作「深度遊」，而台灣觀光局乘暑假旅遊旺季來港推廣十款台南特色美食，包括知名嘅擔仔麵同黑豬肉香腸等，冀吸引老饕「轉場」去台南掃街。

王時思（後左二）同港澳台灣慈善基金會主席何玉美（後右一）及一眾台南食店師傅推介美食。

台南巿政府觀光旅遊局局長王時思話喺明末將領鄭成功時代，台南曾經係當時嘅首都，係發展最早嘅城巿，所以當時小食種類都好豐富。佢許下豪語，話台南食肆「無地雷店」，大街小巷都係美食，港人去掃街，盡可開懷大吃。佢又話近年香港赴台南旅客增加，而自直航機開通以來，本港累計已有十萬名旅客赴台南。