香港賽馬會前主席黃頌顯外孫Antonia李家彤創立嘅多元化創意設計公司前晚舉行成立一周年酒會，好多城中名人都有嚟撐場，當中包括性感女神鍾楚紅。紅姑以簡約嘅黑白服飾上陣，戴上特大圓形耳環，星味不減，紅姑大讚「細姪女」話：「睇住Antonia成長，佢一直都係好有活力同創意，希望佢能夠為香港嘅創意行業發揚光大。」

李家彤（中）創立嘅公司舉行成立一周年酒會，紅姑（右）特意撐場。

同場仲有唔少富二代，包括邢嘉倩、陳栢熹、鄧愛嘉兩公婆、曾昭怡同曾昭亮。而繼姊姊曾昭怡年前出嫁，曾昭亮嘅婚期亦已定喺六月五日。

第一手消息請下載on.cc東網iPhone/iPad/Android/Windows Phone Apps