立法會將於下月表決政改方案，但實際表決日期就一直未有定案，近日議員就猜測喺六月十七日抑或六月二十四日表決，仲掀起一陣大迷信之風。我哋問過三大玄學及風水專家，除咗本港富豪御用堪輿學家蔡伯勵早前講過二十四日係吉日外，堪輿學家麥玲玲同李丞責都話六月十七同十八日連續兩日都係「凶日」，諸事不吉；相反六月二十四日係吉日，有利通過政改方案。

鍾國斌

尋日見到紡織及製衣界議員鍾國斌，佢話撰寫通勝嘅蔡伯勵話六月二十四日係吉日，若政改於好日通過，市民就有好日子過。法律界議員郭榮鏗就話聽聞政府希望喺暑假休會前嘅六月十七日表決，唔通政府偏唔信邪，係都要揀一個「凶日」表決？但玄學嘅嘢，真係信不信由你。

第一手消息請下載on.cc東網iPhone/iPad/Android/Windows Phone Apps