政壇：梁美芬闖敵陣銷政改

建制派立法會議員梁美芬近日印製咗一萬張「齊來鬆綁」書籤，尋日仲深入泛民主派陣地派發，游說泛民齊齊「鬆綁」，支持政改方案。當派畀泛民議員劉慧卿時，就被卿姐質疑點解會派到去該黨嘅九樓辦公室︰「我班同事問點解可以上九樓派，我問緊副秘書長得唔得。」卿姐之後仲將書籤交畀立會保安員。

梁美芬（右）深入泛民陣地派「齊來鬆綁」書籤，但遭大潑冷水。

「齊來鬆綁」書籤

與梁美芬同屬九龍西選區嘅議員黃毓民就挑機，聲言要製作一萬張反「袋住先」書籤，同梁美芬一齊落區派。梁美芬聽到就話︰「等我用鉸剪剪咗佢！」另外，有人就質疑梁美芬書籤上嘅Q版肖像較真人年輕，梁美芬就話因為係小粉絲○八年時幫佢畫嘅，所以同依家有啲唔同樣喎。