牛池灣熟食市場：通風差失生意唔願減租

牛池灣熟食市場不但頻頻停電，通風系統亦一直未如理想，環境局促，加上今年三月至七月維修扶手電梯，有檔販指一天損失近四千元生意。德利點心老闆娘姚太指，曾聯同其他檔販去信食環署，要求酌情減租，惟當局指未有接獲因天氣酷熱致生意大跌的投訴或意見，並稱會適時更換風扇、抽氣扇及通風系統，拒絕加裝冷氣。

牛池灣熟食中心位於街市樓上，需連同街市檔販共八成半同意方可安裝冷氣。

姚太聲淚俱下哭訴，不理解為何食環署如此不近人情，更大玩數字遊戲。「就算我哋呢層全部四個檔口入面有三個同意裝冷氣都無用，佢話係計成個市場十四個檔口，至少要八成半人同意，呢度好多人用檔口擺貨，裝唔裝冷氣都無所謂，咁即係永遠唔使裝啦」。

立法會議員王國興直斥政府支援配套落後，變相剝奪基層市民的選擇，「政府無提供與時並進嘅技術支援，令好多檔販被迫結業。對打工仔嚟講，熟食市場提供價廉物美嘅食物。所以政府應該積極回應市民對低檔食肆嘅需求」。