SUN搞作：Sun官場現形記：乜都遲
港珠澳大橋香港口岸及接線工程延誤，運房局向立法會提交文件申請有關超支撥款，亦延後一籃子工程的施工時間表，局長炳炳自然被議員質問。
議員︰依家延後次要工程，遲啲又超支，會唔會倒錢落海？
炳炳︰咁條橋要喺海上面起，某程度上都係叫「倒錢落海」。
議員︰……咁咪即係搶錢！
炳炳︰嗱，我會形容為由市民攤分。
議員︰要市民找數，咁市民幾時先可以享受成果？
炳炳︰天有不測之風雲，呢個「果」都要等多等先熟。
議員︰又係等？！你哋究竟有乜嘢係唔會延遲？
炳炳︰申請撥款，絕不延遲！
議員︰@##$%%
