政壇：橫額撈亂父母建仔（火羅）爆

經常將寫錯字嘅橫額通街掛嘅建仔又再出錯。近日有網民發現建仔連父母親都搞錯，誤祝天下「父親」母親節快樂，網民仲將橫額圖片上載社交網站，笑稱建仔係咪為「父親」爭取同志平權。我哋向涉事嘅立法會議員EQ葛珮帆查詢，EQ聞言表示不知情，仲賴係同事忙中有錯，會着同事立即更正。不過，佢笑稱只要喺父親二字後加「節」字，即成「願祝天下 父親節 母親節快樂」，橫額就可以一直懸掛至下月父親節喎！但係話口未完，佢哋就立即將咁搞笑嘅橫額「下架」嘞！