年年估錯數嘅財爺「鬍鬚曾」曾俊華，尋日晨咁早就過足特首癮，事關特首梁振英尋日率團訪問波士頓，排第一順位署理特首嘅政務司司長林鄭月娥咁啱日前又出訪歐洲，於是輪到排第二順位嘅鬍鬚曾署理特首，係新政府上場近三年以來首次。

鬍鬚曾聆聽示威者嘅訴求。

曾俊華

鬍鬚曾先係主持行政會議同埋會見傳媒，佢特別提早見傳媒，不過就「播帶式」回應問題，包括強調政府冇煞停落區計劃。轉個頭，鬍鬚曾就出咗去示威區見市民。有示威者有理冇理見到鬍鬚曾都嗌「特首」，亦有人識得改口叫司長，鬍鬚曾企足近十分鐘聆聽示威者意見，比起日前落區宣傳政改更加有耐性，睇嚟佢都好享受做「署理特首」喎！

第一手消息請下載on.cc東網iPhone/iPad/Android/Windows Phone Apps