政壇：魯平盡責遠勝「隱形」廖暉

國務院港澳辦前主任魯平在前晚因病逝世，大家隨即諗起佢喺香港回歸前，怒斥末代港督彭定康做「千古罪人」嘅名句，即使退休後，佢仍然好關心香港，多次公開評論香港政改同炮轟「港獨」等，為國家、為香港鞠躬盡瘁，有傳媒更將佢同現任港澳辦主任王光亞作比較。偏偏大家都好似唔記得咗，喺魯平同王光亞中間，仲有一個名叫廖暉嘅港澳辦前主任，佢不論係在任時定退休後，都冇公開就香港事務講過任何說話，難聽啲講句係「屁也沒放一個」，白逗人工同退休金。