政壇：EQ轟高永文 忽視女性病
相信大家仲記得，食物及衞生局局長高永文日前同反政改長者激辯，事後承認情緒失控，尋日輪到建制派立法會議員EQ葛珮帆疑向高永文挑機，不過就同政改冇關，EQ嘅目標係向食衞局爭取資助女性檢查乳房，之不過一直未有進展，佢最近進一步質疑身為男士嘅高永文，係咪唔多關心女性患者居多嘅乳癌。
葛珮帆向食衞局爭取資助女性檢查乳房，但一直未有進展。（資料圖片）
乳癌係香港女性嘅頭號癌症殺手，近年新症數目有增無減，眼見好多國家喺過去多年紛紛資助女性檢查乳房，EQ透露曾經多次去信政府當局，要求資助本港女性進行檢查，希望增加患者治愈機會，可惜當局一直冇承諾提供資助。EQ又話當局先後推出鼻咽癌同大腸癌篩查計劃，唔明點解乳癌冇類似篩查或資助計劃。
