政壇：黃友嘉有新橋 強積金助置業
樓價高踞不下，「80後」、「90後」一直面對置業「上車難」嘅問題，積金局新任主席黃友嘉首次拋出新建議，指長遠可以研究讓市民動用強積金作首次置業。
黃友嘉話如果容許動用強積金作首次置業，符合強積金用途。（資料圖片）
退休保障變首次置業？黃友嘉解釋，置業係非常重要嘅儲蓄手段，能夠提供退休保障，又話如果容許動用強積金作首次置業，符合強積金用途，但佢同時提到，自己對呢個建議冇強烈傾向。
對於有指僱主供款部分可用作對沖長期服務金，阻礙強積金「全自由行」落實，黃友嘉話兩者冇必然關係，又話如果順利推行電子平台，令僱主供款部分易於追蹤，就算對沖機制未取消，仍然可以實施「全自由行」。不過，講到底，勞工界嘅終極目標當然係希望盡快取消強積金對沖機制，黃友嘉有定心理準備同勞工界過招都得嘞！
