政壇：人力區選死撼鍾樹根

人民力量喺二○一一年嘅區議會選舉，打住「票債票償」口號狙擊支持立法會「一人兩票」方案嘅白鴿黨，事隔四年後，有人力中人指除非有泛民政黨於年中表決政改方案時「轉軚」，否則唔會再「票債票償」，相反會喺年底區議會選舉，集中火力狙擊建制派「雙料議員」，當中特別點名考慮狙擊東區漁灣選區議員鍾樹根。

不過，眾所周知，樹根喺東區打滾多年，有一定實力，睇怕人力揀選其他狙擊對象時要相當小心，如果個個都係類似樹根般有實力嘅對手，到時要有心理準備，預咗係送死居多。

除咗打算集中火力狙擊建制派，據知人力年底區選部署，將會奉行「精兵制」，暫時挑選十幾名社區主任皆積極考慮參選，主力於新界東，例如將軍澳出選，而據聞當中唔少係人力議員「慢必」陳志全嘅助理。