城中鏡：雷兆光牛一P 玩回到20年代
要搞一個別開生面嘅派對，除咗主人家要花心思，都要來賓配合，先會相得益彰玩得更開心。好似「九巴後人」雷兆光咁，為咗慶祝佢五十歲生日，太太雷林靜怡前晚送上大禮，就係籌備咗近一年嘅生日宴。
雷兆光（右一）喜獲太太（右二）花心思籌辦生日派對。
賓客畀面悉心打扮
呢個生日晚宴嘅特別之處就係以二十年代為主題，出席嘅名人包括雷禮權伉儷、邱子傑伉儷、甄子丹太太汪詩詩、陸介琳、蔡綺蓮同前藝人區海倫等，佢哋全部都經過悉心打扮，女士們都出動喱士裙同佩戴頭飾，務求貼合二十年代主題。班賓客咁畀面，壽星公雷兆光當然要落足心思配搭，佢以一襲黑西裝同戴帽子現身，入型入格，各人玩得盡興而回。
