市民喺垃圾灣隨手執起一塊碎石，用力一拋，丟中環境局局長星星的額頭，星星嚇了嚇，大叫一聲，便與市民嘈起上嚟。

星星： 哎呀，你做乜丟我？

市民： 你個垃圾官，管垃圾不力，咪丟醒你囉！

星星： 我？堆填區同焚化爐都會陸續起，仲話我不力？

市民： 你睇吓，個石灘周圍都係垃圾，仲唔係你嘅問題？

星星： 啲人真係冇公德心，遲啲就會有人清潔o架啦，放心啦！

市民： 仲要等？遲啲變垃圾圍城呀！

星星： 冇，點會呢，最多係「垃圾圍海」o架啫！

市民： 咪一樣死，個海滿晒垃圾，咪又堆番上陸地！%^#@$!@#@!!!!

第一手消息請下載on.cc東網iPhone/iPad/Android/Windows Phone Apps