大學生食剩飯餸，理由多多。中大Crystin謂：「有時會唔記得同姐姐講『少飯』。」同樣來自中大的黃同學則表示：「因為太難食，所以食唔落。」臨床心理學家葉妙妍分析，同學的解釋雖是發自內心，但她相信食剩飯餸問題，大多來自家庭教育，「呢一輩年輕人，好多喺溫室長大，佢哋會諗，又唔係畀唔起，有乜所謂啫？而佢哋好少會諗珍惜食物嘅價值。」

袋走驚變壞
王同學（港大生）：有諗過將食剩啲飯裝走，但係好多時都連埋啲汁，所以驚會變壞。

梁同學（嶺大生）：我哋有將食剩嘅嘢回收做肥料嚟種學校嘅植物，但好多人都冇咁做。

葉妙妍指，惜食習慣應從小培養，「如家長應要求小朋友食晒碗入面所有飯餸，出街食飯，就食幾多才叫幾多，食唔晒就要打包，家長向小朋友灌輸食物得來不易。」她補充大學生已長大成人，未必再聽家長話，「所以朋友變得重要，如果身邊都係『惜食之人』，大家就會互相提醒，唔會浪費。」

第一手消息請下載on.cc東網iPhone/iPad/Android/Windows Phone Apps