早前講過白鴿黨新東支部早前開會，否決前立法會議員黃成智代表該黨出選年底嘅區議會選舉，黃成智表明會就此「上訴」，佢尋日話今晚會向黨內選舉委員會申述，解釋當日係因為返工而冇開會，其後仲直言「唔選係黨嘅損失」。佢又講到換取泛民支持政改方案嘅建議，包括中央放寬提名委員會，由公司票變個人票，承諾立法會取消功能界別。

工商專聯主席David黃友嘉話，中央認為普選涉及國家主權同安全，仲挑戰泛民問及，如流亡嘅達賴喇嘛話要來港舉行宗教論壇，泛民一向相信宗教自由、國防外交以外嘅嘢唔屬中央規管，憑乜拒絕對方來港。公文袋黨魁「袋巾傑」梁家傑反指泛民候選人會根據制度行事，屆時相信會承諾唔去六四晚會。

第一手消息請下載on.cc東網iPhone/iPad/Android/Windows Phone Apps