教育局聲稱下學年傳統教科書平均加幅約為百分之三點五，但實質平均加幅逾百分之四，個別英文科教科書加幅高達近一成一，加幅咁勁，有家長忍唔住向教育局局長吳得掂投訴。

家長：局長，啲書咁貴，好大壓力啫！

吳得掂：書中自有黃金屋，依家付出，將來就有收穫啦。

家長：弊在我啲小朋友讀小一咋，幾時先有收穫呀！

吳得掂：畀多少少錢佢哋讀書，係好事嚟，唔好咁大驚小怪。

家長：唔係唔畀，不過你唔係應該控制吓加幅咩？

吳得掂：有叫佢哋唔好加咁多o架，但你知啦，我都顧唔到咁多嘢嘅！

家長：咁咪你辦事不力囉，仲唔明！

吳得掂：……咁唔捨得，買二手書啦，可能仲有手抄筆記，有着數呀！

家長：@#$%&*%^$@!!!!

第一手消息請下載on.cc東網iPhone/iPad/Android/Windows Phone Apps