政壇：坐艇12年啟剛唔炒股
呢排股市當炒，好多人都爭相入市。早前我哋喺一個活動見到香港青年聯會主席霍啟剛，唔知佢有冇斬獲呢？啟剛笑笑口話，手頭上一手股票都冇，皆因佢曾經為咗一隻股票坐艇十二年，好彩後來股價返到「家鄉」，佢即刻沽清逃生，自此就唔再沾手股票。難怪佢講起呢一波港股牛市時，咁心如止水喇！
霍啟剛自爆「坐艇」痛苦經歷。
啟剛話呢次事件令佢明白一個道理，就係買股票係一門專業學問，都係留番畀專業人士處理，所以佢現時都係買基金、債券等，因為風險比較低。佢仲話幾年前內地股票市場都好興旺，身邊好多朋友及同事時時掛住個市，日睇夜睇，冇晒心機工作，部分股民更淨係只識「冧巴（上市股票編號）」。結果當大市回調時，多數人都係損手收場，風險好大。所以佢奉勸投資者都係小心為上。
