環境保護署尋日起嚴格執行第二階段膠袋徵費，署方宣傳珍惜食物、減少浪費嘅社交網站專頁「大嘥鬼」，前晚就上載咗一張環境局局長「星星」黃錦星揹住環保袋嘅背影相，仲寫住「呢個背影咁似曾相識嘅，唔通係……星星局長（好似係）？」仲提醒大家出街記得要自備購物袋。真係唔講都唔知相中人係星星，驟眼睇仲以為係普通中年男人。其實市民對新階段膠袋徵費細節已經唔清唔楚，依家連官方宣傳手法都玩模糊手法，係咪暗認新政策確係好難明呢？
黃錦星
