尋日都講過，嶺南大學早排舉行嘅學生音樂會，有表演團體大唱辱警粗口歌惹起爭議，嶺大校長鄭國漢前日發電郵警誡學生會勿重犯，否則會作出紀律處分。不過，嶺大學生會外務秘書長李德雄尋日出席電台節目時就死撐話，當時明知首歌有少少冒犯性，但相信大學有言論自由，所以照畀樂隊上台，仲話下次搞音樂會仍然會畀人唱粗口歌喎！

李德雄

不過嶺大校董黃均瑜就唔係咁諗喇！佢話嶺大辦學宗旨係「博雅教育」，唔係「不雅教育」，叫學生吸取教訓。仲爆料話校長鄭國漢唔想討論點處分學生，但就覺得輕則發警告信，重則要踢出校添！連平時好撐學生嘅教協會長馮偉華都話，表演方式有好多，反對用粗口表達意見囉！

第一手消息請下載on.cc東網iPhone/iPad/Android/Windows Phone Apps