SUN搞作：SUN官場現形記：一錯再錯
郵政紀念票小全張亂標景點，設計草率，其中位於灣仔的金紫荊廣場，更被搬到柴灣，李衞向香港郵政署長薇薇問吓有咩解釋。
李衞：紀念票嘅景點位置都唔啱，你哋點搞o架？
薇薇：為咗配合設計風格同視覺效果，地標嘅分布係需要協調o架。
李衞：有協調就唔應該錯啦！
薇薇：放喺大約位置就明o架啦，唔使咁仔細喎！
李衞：即係你都承認係錯啦？！
薇薇：其實，又唔係叫人哋睇郵票識位置，咁都唔算錯吖。
李衞：有錯仲死撐唔認，咁真係錯在搵你做署長呀！
薇薇：唉，依家啲人都唔興寄信、用郵票o架啦，冇人理嘅。
李衞：^#@$@%&*@#!!!
