政壇：筲箕灣派單張曾德成終「落地」

同德成局長一齊落區嘅仲有副局長許曉暉、政治助理徐英偉同立法會議員王國興等人，佢哋出現喺筲箕灣港鐵站出口嘅巴士總站，同街坊派發宣傳政改嘅單張。今次落區活動事前冇公開，事後由徐英偉將相放上社交網站，新聞統籌專員馮煒光仲加把口留言話：「做得好！誰說官員不落地？」

徐英偉話佢哋希望趁返工人潮出現時宣傳政改，但一行人只停留約四十分鐘，約八時半就離開。據了解，往後將陸續有司局長以類似方式落區宣傳政改。

政務司司長林鄭月娥就為「堅離地」解畫，佢話事前知悉有人動員示威者狙擊，評估過後認為落地亦未必可達到效果，加上唔想警員同示威者因此受傷，所以採取咁嘅做法。