愛秩序灣：遊樂場聚賭 促警方嚴打
「呢度係公園，係畀一家大細嚟玩嘅地方，但係依家就變咗做露天賭場，細路仔耳濡目染，大個咗咪變晒做賭徒？」筲箕灣居民陳先生不時與兒子到愛秩序灣遊樂場遊玩，幾乎每次皆目睹有人聚賭，除了擔心形成不良風氣外，更不滿賭徒為貪方便而於草叢便溺，「公園都有個牌叫人唔好賭錢同四圍小便，但佢哋就一於懶理。」
愛秩序灣遊樂場雖已豎立告示警告市民勿賭博，惟仍有人疑在聚賭。
警方發言人證實已知悉有關情況，過去一年共接獲三宗相關投訴，期間亦不時派員巡查，在六次突擊行動中因非法聚賭共拘捕二十人。發言人同時指出，如市民發現上址有人聚賭，可向柴灣警署報案室值日官舉報，以便即時派員處理。
陳先生指公園賭風近日略見收斂，認為警方行動取得成效，要求繼續關注，「如果冇執法，啲賭仔就會覺得個地方好安全，有個慣性一直聚喺度，但有拉人嘅話，就會立竿見影有成效。」
