大美督炒單車 水署漁署扮盲
【投訴組報道】大埔大美督是單車郊遊熱點，從大美督路踏上船灣淡水湖主壩，更可飽覽美景。不過市民卻無視警告，不按指示上、落斜坡時下車及推車，違規直踏單車衝出堤壩閘口，險象環生。負責管理的水務署與漁護署堅稱無意外，惟旋即遭運輸署踢爆「講大話」。
斜路雖有大型告示提醒單車使用者必須下車及推車，仍有市民未有理會。
有人在往主壩的斜路踏單車直衝，意外頻生。
上址於○七年曾發生意外，有少女乘坐四輪車衝下時失控，下顎被削去一塊肉。（資料圖片）
任啟邦要求漁護署與水務署加強派員巡查，以防市民違規。
「明明個牌寫明要落車推，佢哋都照直衝落嚟，嗰日我仲拖住小朋友，如果畀佢撞親咪一齊碌落去？」張女士日前與兒子到大美督堤壩放風箏，行至水務署船灣淡水湖與白沙頭洲原抽水站主壩路段時，發現不少踏單車人士無視「必須下車及推車」警告，於斜坡直衝而下，當中不少更踏三輪或四輪車，「普通單車都危險啦，佢哋仲要踩家庭車都唔落地推，有咩事真係成個人飛出嚟！」
當告示無到 落斜不落車
記者曾多次到場，發現每逢周末均有大量市民踏單車從大美督路登上船灣淡水湖主壩，上斜路段雖設有欄柵及「必須下車及推車」告示，但仍有人無視警告踏單車上斜坡，有四輪車更因後勁不繼而向後倒退。至於踏單車衝下斜坡者更多不勝數，剎車聲此起彼落，險象環生，亦有多人將單車衝至閘前再從閘底穿過，期間記者便目睹有踏單車小童跌倒。
水務署與漁濃自然護理署均稱，由水務署閘口至大美督主壩路段屬船灣郊野公園範圍，兩署均有派員巡邏，若發現有人滋擾其他遊客或有安全風險，職員會勸喻。此外，醫療輔助隊會於星期日及公眾假期派員駐守，提供急救等協助，但稱過去五年上述路段並無單車意外個案。惟運輸署卻稱，根據紀錄，上址於一二年至今年三月期間曾發生三宗單車意外。
「就咁喺度睇一陣已經見到有人跌傷，如果講細嘅意外一日都可能唔止三單！」大埔區議員任啟邦直指有關違規情況已持續多年，卻鮮見職員在場勸喻。任又說，上址近年遊客激增，擔心單車意外亦與日俱增，建議當局加強派員理順上址秩序，「應該喺嗰度加個更亭，派人駐守，一見到有違規就阻止，同埋因為條路本身係畀車用，唔係標準單車徑，但依家咁多單車出入，部門都好應該研究下改善個道路設計，照顧埋單車安全！」
逢星期一至五見刊
熱線3600 9988
電郵 socserv@on.cc
傳真3600 9900
WhatsApp/SMS 6500 6500
來函請寄：香港大埔工業邨大昌街23號東方報業中心東方報業集團投訴組收
個人資料絕對保密
匿名投訴恕不處理
