城中鏡：陳逸璇出旅遊書 墨國老公做助手

鍾意去旅遊嘅人，好多時都會出書介紹畀同好，而歌手Jolie陳逸璇竟然話要出書介紹墨西哥當地嘅旅遊。佢前晚出席慈善宴會時透露出書大計，仲話原來由上年年頭已開始籌款，仲希望可以趕得切喺書展出書。點解會選擇介紹墨西哥？佢話：「因為我老公Marc Rodriguez係墨西哥人，自己去過當地都七至八次，老公做我編輯助手，因為怕介紹嘅資料有錯，佢會負責幫我打電話去Check！」至於唱歌方面，佢話依家冇簽唱片公司，不過今年都有新嘅計劃，但暫時未可以透露住。