SUN搞作:Sun官場現形記:本末倒置
貪曾領導的前朝政府漠視空氣污染遺禍,研究指PM2.5的濃度每增加十個單位,長者的自然死亡率便增加一成四,顯示PM2.5足以致命,市民知道梗係驚啦,一於質問貪曾。
市民:又係你隻嘢累街坊,漠視空氣污染!
貪曾:空氣呢啲嘢搵環境局投訴啦,關我叉事?
市民:如果唔係你在任時無做好,空氣質素就唔會每況愈下啦,隨時死人!
貪曾:咪咁驚啦,我嗰陣好歹都有做過空氣質素研究同諮詢嘅。
市民:有咩用?你睇吓,啲車經過排放幾多廢氣!
貪曾:畀個口罩你戴咪得囉!
市民:治標唔治本!
貪曾:為你着想咋!要治本?索性咪鬼出街!
市民:%^&@##@^&*@!!!