市民放工撞到地政總署署長豪豪，仲介紹豪豪去新遊樂中心，但最後豪豪竟然畀人鬧，點解？一齊睇吓。

市民：有遊樂中心新開，有冇去過？

豪豪：冇去過，都冇聽過喎。

市民：咪就係喺呢幢大廈入面，中心有波波池、彈床、舞蹈室，啱晒小朋友嚟玩。

豪豪：呢度工廈嚟喎，用作工業用途就得啫，點會有遊樂中心呢！

市民：咪就係你唔執法，開咗兒童遊樂中心都唔知，小朋友隨時畀貨物撞傷，好危險o架！

豪豪：哦哦……我記得啦，我哋有發信警告，放心啦！

市民：有咩用？人哋繼續搞活動、添置新玩具，當你封信耳邊風！

豪豪：咁我哋好講人情味嘅，凡事留一線，畀啲時間人哋改善嘛！

市民：#%^&*@!@!!!!!畀時間？定你懶呀？

第一手消息請下載on.cc東網iPhone/iPad/Android/Windows Phone Apps