今日係聯合國教科文組織訂立嘅「世界閱讀日」，新地旗下嘅新閱會都準備咗一系列劇場講座等活動。咁新地主席郭炳聯自己鍾意睇乜書？原來佢一向鍾意睇人物傳記，發現成功往往係喺逆境中磨練出嚟，幫到佢面對同克服人生挑戰咁話。之不過，呢排佢又開發咗新書路線，話新近最感興趣嘅係《易經》，畀到佢好多啟發咁話喎。
